y Ang kawawang kanyon #NBP #vandalism

Ang kawawang kanyon #NBP #vandalism

"Good manners are your beauty"

(via frenchiemuslima)

Silid.

SILID.
Franciel Breis

"Nakasilid ka at tapat sa sarili. Kung paanong nais mong lahat ay maging tapat sa sarili." — Loob, Saguid.

Makailang ulit mong pinabangon-higa
Ang kasiping dahil sa ilaw na patay-sindi.
Bukas. Sara. Bukas-sara. Di siya nagsawa
Sa pagtayo at paglabas-masok sa inyong silid.
Ang totoo ikaw ang salarin kung
Bakit sa labas pa naipalagay ang switch at kung 
Bakit ngayon ay pumapalya ito. At sa muling
Paghiga niya, habang hinahagod nang 
Buong pagal at lumbay ang iyong likuran,
Sarap na sarap ka’t nalilibang, nahihibang,
Sa ginhawa ng kasalukuyan: Na magkatabi kayo
— magkasiping, nagtititigan at pagkuwa, mahihimbing.

At bukas, matapos ang di muling paghahain ng
Pagkain sa hapag gaya *nang pagkauwi niya: 
Sa opisina, pagkabukas na pagkabukas ng geyt,
Sabay kayong magtutungo sa kasilyas,
Muling magkakatitigan na tila di magkakilala. 
Tila di nagkasawaan kagabi sa bisig ng isa’t isa.
Tila di nagtagpo. Sa haraya. 

At maiisip, 
oo nga naman, tunay, 
di mag-iisa
Kahit kailan, Di magiging isa.

y Late post with the most lovely guy I have today, Jude! #dahilbirthdaymo #gayfriendsarethebest #shadesgalore

Late post with the most lovely guy I have today, Jude! #dahilbirthdaymo #gayfriendsarethebest #shadesgalore

y Last OU shirt I got from LC.

Last OU shirt I got from LC.

y myownliteraryself:

Breakfast and some poetry.

myownliteraryself:

Breakfast and some poetry.

Kamerata, Christian Tablazon's video exhibitOn February 4-17 sa Sining Makiling Art Gallery, UPLB.

Kamerata, Christian Tablazon's video exhibit
On February 4-17 sa Sining Makiling Art Gallery, UPLB.

Weekends Food Trip

SABADO
(San Pedro-Alabang-Diliman-Tandang Sora-Cubao)

Malamig pa nang lumabas ako ng opisina at suot na ang shorts at white tshirt na nabitbit papunta sa trabaho nu’ng gabi. Nagawa ko pang kumain sa Jollibee kasama ang mga kaopisina at gamit ang discount coupons na ipinamimigay dahil yata magtsa-Chinese New Year na naman.

Malamig pa rin ang simoy ng hangin sa bus na sinakyan patungo ng DIliman. At kumain muli, sa McDonalds naman sa Philcoa.

Di ko talaga alam ang gagawin, kung mahihiya ba ‘ko sa mga kamag-aral sa OU dahil nakashorts lang ako, o dahil bagong gupit ako, o dahil alam kong wala akong maiaambag sa usapan o dahil … Bahala na, sabi ko sa sarili. At ‘yun nga, dumeretso ako kahit na walang balita kung tuloy ba talaga ang kumbensyon, sa awa naman ng Diyos, may tao raw sa ikalawang palapag sabi ni Lady Guard.

Sa tingin ko, maganda naman ang naging entrada ko. Tulad ng inaasahan, medyo nahuli ako ng dating , at tulad rin ng [isa pang] inaasahan, hindi pa sila nagsisimula kaya inialok ko muna at iniikot ang french fries na dala. Medyo nalungkot dahil wala roon ang mga inaasahan [ko] ngunit masaya dahil nakita ko na sa unang pagkakataon, [sa personal], si Ate K—Kalog. Beso rito, beso rito, mga normal na routine.

Di katagalan ay nagsimula na rin naman ang ‘palabas’. Ayoko nang i-elaborate pa ang mga napag-usapan, [di dahil di ako nakinig], pero masyado ng halata. Oo, nagtipon kami para sa isang publikasyong binubuo, kung matatawag mang gayon, naghanda para sa mas mataas pang lebel nito. Naka ilang pahinga rin, fastfood ulit, at natapos na ng alas-singko, at oo, bente-kwatro oras akong gising nu’n.

Supreme noodles soup lang ang naging katapat ng antok ko, idagdag pa ang salamat-natanggal-na-sa-bucketlist namin ni Jay, ang Iscreamist, kasama ang isa pang ngayon lang din nakita, si AJ.

                         lololol

Hindi pa sila nagsawa at talagang masisigasig, idineretso ang pulong sa isang masyadong ‘homey’(ng) lugar, sa PurpleNest. Sa sobrang pagka-homey ay nakatulog ako matapos uminom ng tatlong bote yata ng serbesa at ilang tagay ng emperador. Tulog-gising, bangon-higa sa pananaway sa isa [pang] lasing. Medyo wala na akong naging pakinabang nang nagdilim na, notwithstanding the fact na sabi ko uuwi ako ng maaga, inabot kami (/sila) sa pagpupulong ng halos alas-tres na yata ng umaga. Lumipat sa Dunkin Donuts sa Roces Ave at sapilitang napakain ng Strawberry-filled Munchkins ni Ate K habang itinutuloy pang muli ang pulong. At ang mga susunod pang mga pangyagyari, nasa talaarawan ko na.
LINGGO
(Cubao-Diliman-San Pedro)

Mula sa Roces Ave., bumalik ako ng Diliman, bandang mag-aalas-onse siguro ‘yun. Nananghalian sa Mini Stop, naghanap ng taho sa campus at kumain pa ng mais. At oo, tama nga ang nabasa mo, linggo na at wala pa rin akong matinong tulog simula biyernes. Ang resulta, nilalagnat na ako at grumabe pa ang ubo.

Sa KAL, iba naman ang nakain ko, bukod sa Spicy Seafood Cup Noodles at Tomi [na paborito ko] at libre lang ni Christian, nakakain din ako at napalunok sa mga narinig kong salita, ‘di dahil nadismaya ako sa resulta: ang totoo, masyado akong natuwa sa katotohanang meron pa ‘kong pag-asa. Masyadong naging masarap sa tenga ang mga salita ng isang tagapayo [sana], na kahit noon pa ma’y ganoon na sa akin. Naalala ko pang lagi s’yang nagtataka kung bakit n’ya ‘ko laging pinagsasabihan (kahit tila ba ‘di naman daw ako nakikinig). Matiyaga. Sana kung bumalik man ako, matiyaga pa rin siya [sila] sa katamaran ko at kakulitan. Nabanggit ang edad ngunit hindi ko na pinakinggan. Kumain din ako ng medyo masasakit pero totoo namang mga salita. Di ko alam kung dahil ba masama lang ang pakiramdam ko o dahil masyado kong pinersonal, kahit ang tungkol sa kung sino ang mga binabasa ko—pero okay na, pati ba naman kasi buhok ko pinuri, ayos na, hindi ba?

Matapos ang usapan nu’n, di ko na nagawang sunduin pa kung sinumang kasunod ko sa pila upang sumalang. Dali dali akong tumakbo ng kasilyas at naghilamos. Bigla akong napatingin sa salamin dahil dalawang araw ko nang suot ang mga damit. May mabait ngang nagpahiram pero hindi ko na tinangka pang isuot, malaki at mukhang magiging bestida ang t-shirt n’ya sa’kin. Dedma. Di naman ako mabaho, at least, sa pagkakaalam[-amoy] ko.

Di pa natapos ang gabi at busog na busog pa ulit ako sa mga titig. Nagtataka siguro sila kung bakit ako umiyak. Ang arte naman nito, sigaw nila. *paranoid*. nahila pa ‘ko sa Sara’s pero napigilan ko namang uminom *another achievement!* kaya’t nilantakan ko na lamang ang mga isaw at nagsatambutso na lamang.

LUNES
(San Pedro-Alabang-San Pedro)

Sa trabaho, alalang-alala na ang Boss ko dahil namamaga na ang braso ko at mukha nang dahil sa mga pantal (dahil yata sa Isaw). Ilang alerta rin ang pinainom niya sa akin.

ARAL: H’wag magmatakaw. May bukas pa.

y Beach House. (at Beach House)

Beach House. (at Beach House)